რევმატოლოგია სამედიცინო დისციპლინაა, რომელიც იკვლევს, ავლენს და კურნავს სახსრების, ძვლებისა და კუნთების დაავადებებს, ასევე, სისტემურ ავტოიმუნურ დარღვევებს.
რევმატული დაავადებები მოიცავს ბევრ განსხვავებულ მდგომარეობას, მათ შორისაა ართრიტი, ავტოიმუნური რევმატული დაავადება, რბილი ქსოვილების რევმატიზმი და სხვა.
ართრიტისთვის დამახასიათებელი სიმპტომებია სახსრებში დისკომფორტის შეგრძნება და ანთება. ოსტეოართრიტი ართრიტის ყველაზე გავრცელებული სახეობაა. რევმატოიდული ართრიტი ართრიტის ერთ-ერთ ყველაზე გამორჩეულ ფორმად არის აღიარებული, რადგან იწვევს მნიშვნელოვან ფიზიკურ დეფორმაციებს, ფუნქციურ დარღვევებსა და ხანგრძლივ შრომისუუნარობასაც კი.
ართრიტი, ასევე, შეიძლება განვითარდეს მონონატრიუმის შარდმჟავას კრისტალების დაგროვების გამო, რასაც პოდაგრამდე მივყავართ, ან კალციუმის პიროფოსფატის კრისტალების დაგროვების გამო, რაც იწვევს ფსევდოპოდაგრას. 

რევმატოლოგს ართრიტის კონკრეტული ფორმის განსაზღვრა შეუძლია თითოეულ პაციენტში ტკივილის   სხვადასხვა მახასიათებლების, დაზიანებული სახსრებისა და სხვა სიმპტომების ანალიზის საფუძველზე. მნიშვნელოვანია, გვესმოდეს, რომ სხვადასხვა ტიპის ართრიტის მკურნალობა და პროგნოზი მნიშვნელოვნად განსხვავდება ერთმანეთისგან.